Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Түркістан облысында карантин талаптарын бұзушылар азаяр емес



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Қазақпарат

Жолданған уақыты: 02:42 - 2020/11/22

Нақты Көзі: https://www.inform.kz/kz/turkistan-oblysynda-karantin-talaptaryn-buzushylar-azayar-emes_a3721478


Түркістан облысында карантин талаптарын бұзушылар азаяр емес

ТҮРКІСТАН. ҚазАқпарат - Арыс аудандық полиция бөлімінің қызметкерлері және Арыс қаласы әкімдігі бірлесіп, мониторингтік топ құрамында аудандағы карантин талаптарының сақталуына рейд жүргізді.

Ұқсас жаңалықтар

Бұл туралы ҚазАқпарат – Түркістан облыстық Полиция департаментінің баспасөз қызметіне сілтеме жасап хабарлайды.

Мобильдік топ мүшелері қаладағы тамақтану орындарында, сауда үйлерінде, азық-түлік дүкендерінде санитарлық талаптар мен маскалық режимінің сақталуын қадағалауда. Осы тұста карантин талаптарына немқұрайды қарап, санитарлық нормаларды бұзған азаматтарға түсіндіру жұмыстары жүргізіліп, хаттама толтырылды.

Қазіргі таңда Арыс ауданында карантин талабын орындамаған 372 азамат анықталған. Олардың басым көпшілігі белгіленген уақыттан кейін де жұмыс жасап тұрған дүкен мен ойынхана иелері. Мысалы, Арыс қаласы көшелерінің бірінде орналасқан ойынхана сағат 22:00-ден кейін жұмыс істеп жатқандығы белгілі болды. Ойынханаға келуші азаматтардың да ешбірінде медициналық бетперде болмаған. Сонымен қатар індет өршіп тұрған уақытта жиын, той жасаушылар қатары да азаяр емес. Ашығын айтқанда, Арыс қаласындағы бірнеше тойханалардың карантин талаптарын бұзып, «Қыз ұзату», «Беташар» сияқты той жасап, шектен тыс тұрғындарды жинағаны анықталып, әкімшілік хаттама толтырылды.

«Түркістан облысы Полиция департаменті карантин режимі кезінде бекітілген талаптарды орындамай, тұрғындардың денсаулығына қауіп төндіретін азаматтар тиісті жауапқа тартылатынын ескертеді. Сондықтан Бас санитарлық дәрігердің қаулысының талаптарын қатаң сақтау, бетперде кию және арақашықтықты сақтауды естен шығармаңыз»,-делінген баспасөз хабарламасында.


Нақты қайнары: http://www.elarna.net/koru_kk.php?tur=3&id=1306555
Пікірлер

Көрші сілтемелер